Ásbyrgismót UNÞ
Hið árlega Ásbyrgismót UNÞ verður haldið um næstu helgi eða dagana 13.-15 júlí. Það verður með hefðbundnu sniði og gera má ráð fyrir að ungir sem aldnir skemmti sér saman og taki þátt í skemmtilegri íþróttakeppni.
Veðurspáin er þó heldur leiðinleg fyrir helgina en vonandi skánar hún þegar nær dregur helgi.
Dagskráin er sem hér segir:
Föstudagur 13. júlí
- Kl. 17:30 Pollamót eldri ( 11-12 ára )
- Kl. 20:00 Fótbolti, unglingaflokkur ( 13-16 ára )
Verðlaunaafhending að keppni lokinni
Laugardagur 14. júlí
- Kl 10:00 Pollamót yngri (10 ára og yngri )
- Kl. 12:00 Verðlaunaafhending fyrir pollamót
- Kl. 13:00 Frjálsíþróttakeppni hefst
- Kl. 18:00 Landverðir í Ásbyrgi með ratleik
- Kl. 18:00 Verðlaunaafhending fyrir frjálsíþróttakeppni dagsins
- Kl. 18:30 Sameiginlegt grill orðið heitt
- Kl. 20:00 Kvöldvaka. Dansskemmtun fram eftir kvöldi
Sunnudagur 15. júlí
- Kl. 10:00 Frjálsíþróttakeppni hefst
- Kl. 12:00 Verðlaunaafhending fyrir frjálsíþróttakeppni dagsins.
- Kl. 12:45 Pæjumót stúlkna ( 16 ára og yngri)
- Kl. 14:00 Verðlaunaafhending fyrir pollamót og frjálsar - mótslit.
.jpg)
Aldursflokkar keppenda í frjálsum:
Tátur og hnokkar 10 ára og yngri
Strákar og stelpur 11-12 ára
Telpur og piltar 13-14 ára
Sveinar og meyjar 15-16 ára
Konur yngri 30-39 ára
Konur eldri 30 ára og eldri
Karlar yngri 35-44 ára
Karlar eldri 45 ára og eldri.
UNÞ vill vekja sérstaka athygli á og beina því til foreldra, forráðamanna og unglinga að þetta er íþróttamót og meðferð áfengis er ekki leyfileg á mótsstað og þeim sem ekki virða það verður vísað af svæðinu. Athugið að ró skal vera komin á svæðið kl 24:00 svo að ungir keppendur og aðrir fái frið og góðan nætursvefn.
UNÞ vill minna á Unglingalandsmót á Höfn í Hornafirði um komandi verslunarmannahelgi.