Heimsins besta súkkulaðimús

Fyrsta gistiheimilið á Bakkafirði verður opnað innan skamms. Það er í Lindarbrekku sem stendur skammt innan við þorpið. Sunnudaginn 19. júlí verður opið hús í Lindarbrekku frá kl. 16:30 19:00. Þetta Fyrsta gistiheimilið á Bakkafirði verður opnað innan skamms. Það er í Lindarbrekku sem stendur skammt innan við þorpið.

Sunnudaginn 19. júlí verður opið hús í Lindarbrekku frá kl. 16:30 19:00. Þetta er auðvitað liður í fjölskylduhátíðinni Kátir dagar í Langanesbyggð og nágrenni, en um þetta leyti verður Langanesvíkingnum að ljúka á Bakkasandi. 
Það verður heitt á könnunni og gestum boðið að skoða húsið. En ekki nóg með það, heldur ætlar Baldur Öxdal matreiðslu og ábætismeistari sem er eigandi veitingastaðanna Lindarinnar á Laugavatni, Ráðhúskaffis  í Reykjavík, Lindarbrekku og Halldórshúss á Bakkafirði að bjóða öllum sem vilja  heimsins bestu súkkulaðimús, að mati ritsins Lonely planet.

Baldur er hvergi banginn og er reiðubúinn til að taka á móti fjölda gesta en ekki er jafn víst að hann gefi upp uppskriftina að súkkulaðimúsinni.