2000 kinda fjárbú í undirbúningi

Stór áform eru uppi varðandi eflingu sauðfjárbúskapar í Langanesbyggð. Á atvinnuráðstefnu sem haldin var þar í gær, var kynnt hugmynd að byggingu 2.000 kinda fjárbús, sem yrði eitt allra stærsta sauðf

Stór áform eru uppi varðandi eflingu sauðfjárbúskapar í Langanesbyggð. Á atvinnuráðstefnu sem haldin var þar í gær, var kynnt hugmynd að byggingu 2.000 kinda fjárbús, sem yrði eitt allra stærsta sauðfjárbú landsins.

Björn Ingimarsson, sveitarstjóri Langanesbyggðar, segir tilganginn að snúa við þá þróun sem hefur verið í Langanesbyggð. Svæðið sé nánast að fara í auðn og með búin verði hægt að nýta á ný gjöfult ræktunarland.

Björn segir að fjárfestum verði kynnt verkefnið í næsta mánuði. Mikilvægt sé að fá góðan bústjóra. Þá hefjist framkvæmdir í byrjun næsta árs.

Frétt á Ruv