Betri flugsamgöngur við Vopnafjörð og Þórshöfn

Samkomulag hefur tekist á milli Langanesbyggðar og Vopnafjarðarhrepps annars vegar og Norlandair hins vegar um breytingar á flugáætlun. Breytingin hefur meðal annars í för með sér að framvegis verður flogið á föstudögum og sunnudögum til og frá Þórshöfn og Vopnafirði. Breytingin hefur í för með sér að betri möruleikar eru á helgarferðum auk þess sem brottför frá Þórshöfn á föstudögum  seinkar þannig að fólk getur ferðast eftir að vinnutíma lýkur. Flugáætlunin um helgar verður annars sem hér segir þessa daga:

 Flug á föstudögum og sunnudögum:

 Akureyri / Vopnafjörður   15:20   16:05

Vopnafjörður / Þórshöfn  16:20   16:35

Þórshöfn / Akureyri           16:50   17:35

 Athugið að ekkert verður flogið á þriðjudögum. Komur og brottfarir á mánudögum, miðvikudögum og fimmtudögum verða óbreyttar. Gert er ráð fyrir að þessi breyting taki gildi 14. febrúar.