Skrifað undir samning Langanesbyggðar og Þekkingarnets Þingeyinga

Heiðrún Óladóttir og Björn S. Lárusson

Langanesbyggð og Þekkingarnet Þingeyinga hafa skrifað undir samning um vinnu við undirbúning að myndun atvinnu- og nýsköpunarseturs að Fjarðarvegi 5 á Þórshöfn. 
Um er að ræða vinnu við þarfagreiningu, þróun og mótun starfseminnar. Að þessari vinnu kemur starfsfólk Þekkingarnetsins og starfsfólk Langanesbyggðar. Myndaður verður vinnuhópur um verkefnið sem í eiga sæti fulltrúar Langanesbyggðar, Þekkingarnetsins og fulltrúi SSNE. Styrkur fékkst úr Jöfnunarsjóði sveitarfélaga í tengslum við sameiningu sveitarfélaganna Langanesbyggðar og Svalbarðshrepps til verksins og verður hann notaður til að undirbúa verkið. 

Það voru Heiðrún Óladóttir verkefnastjóri Þekkingarnetsins á Þórshöfn og Björn S. Lárusson sveitarstjóri sem undirrituðu samninginn.