Fréttabréf-
Bj.sv. Hafliði
18 febrúar 2008
1 tbl. 7 árg.
Ábm. Siggeir Stefánsson
Minning: Henrý Már Ásgrímsson f. 23.04.55 d. 14.09.07
Henrý var virkur félagi í áratugi og sendum við aðstandendum samúðarkveðjur vegna frAðstandendur Henrýs bentu þeim sem vildu minnast hans á Bjsv. Hafliða og safnaðist þar upphæð, sem í samráði við Guðrúnu ekkju Henrýs, var ákveðið að ráðstafa til kaupa á 5 nýjum GPS staðsetningartækjum. Munu 2 þeirra verða á nýju vélsleðunum og 3 verða tilbúin fyrir leitarflokka, en auk þess verður settur upp þakkarskjöldur í Hafliðabúð. Við viljum þakka aðstandendum Henrýs fyrir stuðninginn.áfalls hans.
-
Nýr björgunarbíll
Bíllinn kom til okkar síðasta sumar. Bíllinn er af gerðinni Nissan Patrol og er fullbreyttur fyrir fjallaferðir á 44 dekkjum. Bíllinn kostaði með öllum breytingum og fullkomnum fjarskiptabúnaði um 8,5 milljónir króna og tókst okkur um síðustu áramót að fullgreiða bíllinn án þess að þurfa að taka lán. Þetta náðist með miklum velvilja margra aðila sem styrktu okkur.
Fyrir kaupin var búið að safna rúmlega 2 m.kr., Hummerinn var seldur fyrir 3,3 mkr, Landsbjörg styrkti okkur um 900 þús. Svo fengum við styrki frá mörgum heimaaðilum sem eru eftirtaldir:
1. Hraðfrystistöð Þórshafnar hf
2. Sparisjóður Þórshafnar og nágrennis
3. Verklýðsfélag Þórshafnar
4. Svalbarðshreppur
5. Langanesbyggð
6. Geir ehf
7. Veiðifélag Hafralónsár
8. Trésmiðjan Brú
9. Þórshafnardeild Rauða kross Íslands
Öllum þessum aðilum er þakkað fyrir velvilja í okkar garð.
Eftirtaldir aðilar buðu íbúunum upp á flugeldasýningu Hafliða um síðustu áramót:
Verkalýðsfélag Þórshafnar Samkaup
Hraðfrystistöð Þórshafnar hf Haki ehf
Fiskmarkaður Þórshafnar ehf Trésmiðjan Brú ehf
Fánasmiðjan Skálinn Þórshöfn
BJ Vinnuvélar Langanesbyggð
Sparisjóður Þórshafnar og nágrennis Þistill ehf
Vátryggingafélag Íslands Geir ehf
Svalbarðshreppur Landflutningar
Veitingastaðurinn Eyrin
Björgunarsveitafatnaður
Bj.sv. Hafliði býður öllum félagsmönnum styrk til að kaupa sér utanyfir galla frá Landsbjörg. Styrkurinn hljóðar upp á kr. 12.000,-. Gallinn (buxur og úlpa) kostar um 19 þúsund krónur hjá 66°N svo gallinn kostar um 7.000,- til félagsmanna.
Örn / Starfsstöð á Bakkafirði
Árið 2007 var gerður samningur við áhugasama aðila og fyrrverandi félagsmenn í Björgunarsveit á Bakkafirði um starfstöð/útibú frá Bjsv Hafliða. Starfstöðin á Bakkafirði verður rekin sem sjálfstæð eining af félagsmönnum þar en er samt inni í reikningum Hafliða og félagsmenn verða skráðir í Hafliða.
Björgunarbátur
Á síðasta ári kom maður frá Zodiac í Frakklandi til okkar og lagfærði galla sem hafði komið upp í bátnum okkar Jóni Kr, Sprungur höfðu komið í ljós í gafli bátsins og tók viðgerðin þrjá daga.
Vélsleðar
Velunnari Hafliða gaf okkur tvo öfluga vélsleða ásamt góðri kerru fyrir sleðana á síðasta ári. Þetta eru lítið notaðir sleðar og kerra í mjög góðu ásigkomulagi og eiga eftir að koma sveitinni vel. Kerran er lokuð og rúmast á henna tveir vélsleðar. Sleðarnir eru af lengri gerðinni og yfir 100 hestöfl hvor. Þökkum við viðkomandi fyrir höfðinglega gjöf en hann vill ekki láta nafn síns getið.
Þyrlueldsneyti.
Eins og fram hefur komið þá er Bj.sv Hafliði með umsjón á eldsneyti fyrir þyrlur Landhelgisgæslunnar sem geymt er á flugvellinum. Félagsmenn eru búnir að koma þar upp gámi með hita og ljósum og er aðstaðan orðin eins og LHG vildi hafa hana. Geymdir eru um 1.500 til 2.000 lítrar hverju sinni og hafa þyrlurnar notfært sér þetta nokkrum sinnum á síðasta ári.
Við viljum þakka öllum velunnurum okkar fyrir þeirra framlag til framgangs og vaxtar björgunarsveitar innar Hafliða, án þeirra væri ekki hægt að halda úti starfsemi sem þessari. Takk fyrir