Fréttatilkynning: Undirritun samnings um fyrirhugaða stórskipahöfn í Finnafirði
Þann 21. maí sl. var undirrituð í Alþingishúsinu viljayfirlýsing milli íslenskra stjórnvalda, Langanesbyggðar, Vopnafjarðarhrepps, bremenports GmbH & Co.KG og EFLU Verkfræðistofu um samstarf um uppbyggingu stórskipahafnar í Finnafirði. Viljayfirlýsingin er framhald af samstarfssamningi sem sveitarfélögin, bremenports GmbH & Co.KG og EFLA undirrituðu í maí 2014. Viljayfirlýsingin tekur á þáttum sem koma þarf í farveg til þess að verkefnið geti þróast áfram.
Viljayfirlýsinguna undirrituðu Ragnheiður Elín Árnadóttir, iðnaðar- og viðskiptaráðherra, Elías Pétursson, sveitarstjóri Langanesbyggðar, Ólafur Áki Ragnarsson, sveitarstjóri Vopnafjarðarhrepps, Robert Howe framkvæmdarstjóri Bremenports og Hafsteinn Helgason verkfræðingur hjá Eflu. Viðstaddir voru sendiherra Þýskalands á Íslandi Herbert Beck og Martin Günthner, ráðherra.
Meðfylgjandi er mynd er tekin var af þessu tilefni.