Gjöf til bókasafnsins á Þórshöfn

Sparisjóður Norðurlands og Verkalýðsfélag Þórshafnar eiga heiður skilinn fyrir stuðning við lestrarhesta í byggðinni. Bókasafnið leitaði liðsinnis þeirra fyrir skömmu til að geta aukið við bókakost því nýjar bækur örva alltaf lestraráhugann. Þessar frábæru stofnanir gáfu samtals 100.000 krónur til bókakaupa og senda ungir sem gamlir bókaormar þeim alúðarþakkir fyrir stuðninginn.