Hreinsunardagur fjölskyldunnar á Bakkafirði og á Þórshöfn laugardaginn 12. maí
Hreinsunardagur fjölskyldunnar í okkar fögru þorpum verður að þessu sinni n.k. laugardag 12. maí. Allir sem vettlingi geta valdið og eiga heimangengt eru hvattir til að mæta stundvíslega.
- Á Bakkafirði byrjum við klukkan 13.00 við Grunnskólann.
- Á Þórshöfn byrjum við klukkan 11.00 við Sunnuveg, Áhaldahús og Íþróttahús.
Hreinsa skal þannig að hóparnir endi sem næst miðju þorpanna og hjálpist að við hreinsun svæða í lokin.
Garðeigendur ættu að nota tækifærið og taka rækilega til í eigin görðum fram að hreinsunardegi og koma frá sér rusli í safnhauga hreinsunardagsins.
Starfsmenn sveitarfélagsins munu aðstoða við tiltektina, þ.e. útdeila pokum og hirða þá ruslahauga sem munu skapast.
Við gerum ráð fyrir að klára yfirferðina á um 4 klukkustundum, að verki loknu munum við grilla í boði Langanesbyggðar við Grunnskólann á Bakkafirði og við Íþróttahúsið á Þórshöfn.
Umhverfis- og skipulagsnefnd Langanesbyggðar