Íþrótta- og tómstundanefnd:

Aðalmenn:Vilborg Stefánsdóttir, formaðurSólveig Sveinbjörnsdóttir, varaformaðurKristín HeimisdóttirJón H. MarinóssonVaramenn:Magnús ElíassonMargrét Eyrún NíelsdóttirSigríður Harpa JóhannesdóttirAnna L

Aðalmenn:
Vilborg Stefánsdóttir, formaður
Sólveig Sveinbjörnsdóttir, varaformaður
Kristín Heimisdóttir
Jón H. Marinósson
Varamenn:
Magnús Elíasson
Margrét Eyrún Níelsdóttir
Sigríður Harpa Jóhannesdóttir
Anna Lára Friðbergsdóttir

Erindisbréf í nánar.

Erindisbréf íþrótta- og tómstundanefndar

Langanesbyggðar.

Samkvæmt 13. tl. 57. gr. samþykkta um stjórn og fundarsköp Langanesbyggðar og 13. gr. samstarfssamnings Þórshafnar- og Svalbarðshrepps:

1.      Íþrótta- og tómstundanefnd fer, í umboði sveitarstjórnar, með stjórn íþrótta- og tómstundamála, að svo miklu leyti sem sveitarfélagið lætur þau til sín taka og er nánar tekið fram í erindisbréfi þessu.

2.      Íþrótta- og tómstundanefnd skal vinna að eflingu heilbrigðs íþrótta- og tómstundastarfs á meðal íbúa sveitarfélagsins og hafa um það samvinnu við þá aðila sem um slík mál fjalla. Að öðru leiti skal ráðið hafa eftirfarandi verkefni:

·         Vera sveitarstjórn til ráðuneytis í íþrótta- og tómstundamálum.

·         Hafa umsjón með rekstri íþrótta- og tómstundamannvirkja á vegum sveitarfélagsins. Þessi mannvirki eru: Félagsheimilið Þórsver og íþróttamiðstöðin Ver ásamt íþróttavöllum á Þórshöfn og á Bakkafirði.

·         Gera tillögur til sveitarstjórnar um reglugerðir varðandi rekstur eigin mannvirkja og aðstöðu er snerta málið.

·         Gera tillögur til sveitarstjórnar varðandi viðhald og endurbætur ofangreindra mannvirkja.

·         Leggja fram tillögur og undirbúa starfsemi vinnuskóla hverju sinni.

·         Koma að vinnu fjárhagsáætlunar ásamt viðkomandi starfsmönnum sveitarfélagsins.

·         Vinna í upphafi hvers árs greinargerð yfir starfsemi nýliðins árs.

·         Fara reglulega yfir starfsliðsþörf og skila sveitarstjóra greinargerð og tillögum varðandi mannahald.

·         Annast skipulagningu og undirbúning reglubundinna hátíðarhalda á vegum sveitarfélagsins.

·         Fara að öðru leyti með verkefni á sviði íþrótta- og tómstundamála, er því eru falin af sveitarstjórn

3.      Í þeim tilvikum sem sérstakur starfsmaður sinnir íþrótta- og tómstundamálum á vegum Langanesbyggðar skal hann jafnan sitja fundi nefndarinnar og hafa þar málfrelsi og tillögurétt.

4.      Íþrótta- og tómstundanefnd skal starfa náið með hverskonar félögum eða félagasamtökum á svæðinu sem koma inn á þennan málaflokk.

Nefndin skal setja sér starfsreglur sem sveitarstjórn staðfestir.

   Samþykkt á fundi sveitarstjórnar þann 20. febrúar 2007.