Örn gefur Grunnskólanum Núma
28. mars 2008
Landsbjörg og björgunarsveitin Örn gáfu grunn- og leikskólanum spilið Númi hefur sjö höfuð.
Númi hefur fært út kvíarnar og er nú til námsefni byggt á sögunni, brúðuleikhús, borðspil og bingó.
Lært og leikið með Núma
Námsefni byggt á sögunni af Núma var gefið út árið 2005. Það er ætlað elstu börnum leikskóla og 1. bekk grunnskóla. Um er að ræða verkefnamöppu sem samanstendur af átta verkefnum sem fjalla um slysavarnir. Markmiðið með námsefninu er að vekja börnin til umhugsunar um nánasta umhverfi sitt svo þau átti sig á hættunum sem þar geta leynst. Til stendur að bæta tveimur verkefnum í viðbót í möppuna. Hægt er að nálgast námsefnið hér eða hjá Slysavarnafélaginu Landsbjörg í síma 570 5900 eða á hildur@landsbjorg.is
Númi á ferð og flugi
Slysavarnafélagið Landsbjörg og Brúðuleikhús Helgu Steffensen settu í sameiningu upp brúðuleiksýningu byggða á bókinni um Núma. Sýningin hefur verið sýnd í leikskólum og grunnskólum víða um land við góðar undirtektir. Hægt er að panta sýningu á netfanginu hildur@landsbjorg.is eða í síma 570 5900.
Haustið 2007 kom út borðspil með Núma. Spilið var gefið í alla leik- og grunnskóla og er ætlað sem stuðningur við námsefnið Lært og leikið með Núma.