Sparkvöllurinn á Þórshöfn vígður

1.6.2008 Hlaut nafnið SaxavöllurUm helgina var vígður nýr og glæsilegur sparkvöllur á Þórshöfn á Langanesi.  Völlurinn er staðsettur við glæsilegt íþróttahús og knattspyrnuvöll Þórshafnar og 

1.6.2008
Hlaut nafnið Saxavöllur

Um helgina var vígður nýr og glæsilegur sparkvöllur á Þórshöfn á Langanesi.  Völlurinn er staðsettur við glæsilegt íþróttahús og knattspyrnuvöll Þórshafnar og er þessi sparkvöllur góð viðbót við glæsileg íþróttamannvirki staðarins.

Það var Birkir Sveinsson, mótastjóri KSÍ, sem tók þátt í vígslu vallarins fyrir hönd Knattspyrnusambandsins og færði bæjarbúum bolta að gjöf frá sambandinu sem og góðar kveðjur.  Bæjarbúar fjölmenntu við athöfnina, þá ekki síst yngsta kynslóðin sem strax er farin að nota völlinn til hins ítrasta.

Meira á Þórshöfn Fréttir