Sumarafleysing í heimaþjónustu í Langanesbyggð

Starfsmann vantar í afleysingu í heimaþjónustuna í Langanesbyggð tímabilið 1. júlí – 7. ágúst n.k.

Starfið felst í því að starfa á heimilum aldraðra einstaklinga, öryrkja og/eða fatlaðra. Auk venjubundinna heimilisverka og ræstinga er gert ráð fyrir innkaupaferðum fyrir skjólstæðing svo og félagslegum stuðningi að einhverju leyti.

Viðkomandi þarf að hafa ríka samskipta- og samstarfshæfni og hafa gaman að því að umgangast eldra fólk. Gerð er krafa um heiðarleika, dugnað, stundvísi og góða framkomu.

Umsóknum skal skilað á netfangið naust@langanesbyggd.is

Nánari upplýsingar gefur Þóra Magnúsdóttir, forstjóri Nausts í síma 468-1322 eða á netfangið naust@langanesbyggd.is

Umsóknarfrestur til 31. maí 2024.