Þórshafnarkirkja auglýsir
Kirkjubrall
Það verður brallað ýmislegt í Svalbarðsskóla á kirkjubralli nú n.k. fimmtudag, 3. mars milli kl. 18:00 og 19:30.
Tökum fram markaspilið og spilastokka. Daníel Hansen og fl. kynna útskurð í tré, búum út skrautlega páskaunga úr könglum og borðum saman góða súpu. Rabbhorn fullorðinna verður á sínum stað. Ath. Takið með prjónana og neftóbakið! Sagnahefð, tónlist og margt fleira á döfinni.
Hittumst kát og hress á vettvangi kirkjunnar.
Kirkjubrallsnefndin
Æðruleysismessa
N.k. sunnud, 6. mars kl. 14:00 verður æðruleysismessa í Þórshafnarkirkju í umsjá sr. Hildar Sigurðardóttur og Elvars Bragasonar. (Það á að reyna aftur.) Ljúf tónlist, 12 sporin, vitnisburður og hugvekja.
Söfnuðurinn hvattur til að eiga saman notalega stund í kirkjunni og þiggja kaffiveitingar í safnaðarheimilinu að athöfn lokinni.
Verið velkomin.
Sr. Hildur og Elvar
Stjörnustund í kirkjunni
fyrir börn í 1. - 4. bekk grunnskóla
Ætlum að bjóða upp á samveru í Þórshafnarkirkju á fimmtudögum kl. 14:30, mars, apríl og maí. Leggjum áherslu á söng við gítarundirleik, leiki og föndur. Verið velkomin.
Brynhildur og Arnar Freyr Warén