Uppfærð tilmæli vegna heimsókna á Naust

Eftirfarandi eru uppfærð tilmæli í ljósi þess að nú hafa allir íbúar Nausts verið bólusettir gegn COVID-19.

Varðandi heimsóknir:

- Þar til búið er að bólusetja starfsmenn er mælst til þess að heimsóknargestir séu eingöngu í heimsókn á herbergjum íbúa, en ekki í borðstofu eða öðrum sameiginlegum rýmum heimilisins.

- Heimsóknir verða áfram skráðar og því mikilvægt að aðstandendur láti áfram vita þegar þeir koma, best er að hringja í 468-1322 áður en mætt er á staðinn eða hringja dyrabjöllu við aðaldyrnar og gera vart við sig.

- Alla jafna mega koma tveir gestir til hvers íbúa á dag.

o Ekki er gerð krafa um að sömu tveir gestir heimsæki alla daga heldur mega

aðstandendur skiptast á að koma.

o Undantekningar frá þessari reglu eru í höndum hjúkrunarforstjóra.

- Gæludýr eru velkomin í heimsókn til íbúa á Nausti.

- Gestir skulu virða 2ja metra nándarmörk og forðast beina snertingu við íbúa (á ekki

við um hjón og sambúðarfólk).

- Gestir skulu þvo hendur með sápu áður en komið er á heimilið og spritta hendur

strax við komu á herbergi íbúa.

- Allir gestir eru eindregið hvattir til þess að gæta ítrustu árvekni og hafa núgildandi sóttvarnarráðstafanir í heiðri.

- Aðstandendur mega ekki koma í heimsókn ef þeir:

o Eru í sóttkví

o Eru í einangrun eða bíða eftir niðurstöðu úr sýnatöku

o Hafa dvalið erlendis og ekki eru liðnir 14 dagar frá heimkomu

o Hafa verið í einangrun vegna COVID-19 smits og ekki eru liðnir 14 dagar frá útskrift

o Eru með einkenni ss. kvef, hita, hósta, höfuðverk, beinverki, þreytu, kviðverki, niðurgang.

Varðandi ferðalög íbúa:

- Íbúum er heimilt að fara í bíltúra, göngutúra, heimsóknir og fjölskylduboð.

- ATH gæta þarf sérstaklega að sóttvörnum þegar íbúar koma til baka á heimilið því hver sem er getur borið með sér smit þó að viðkomandi hafi verið bólusettur.

- Mælt er gegn því að íbúar fari á hópfagnaði þar sem fleiri en 20 koma saman.

Eins og áður eru þessi tilmæli birt með fyrirvara um breytingar ef ástandið í samfélaginu breytist.

 

Með bestu kveðjum,

Karítas Ósk

Hjúkrunarforstjóri