Veraldarvinir ánægðastir hér

Sjálfboðaliðar á vegum Veraldarvina sem hingað til lands koma á sumri hverju til að vinna að ýmsum verkefnum, gefa Langnesingum bestu einkunn þeirra sveitarfélaga sem þeir sækja heim.

 

Við fáum 9,16 af 10 mögulegum í einkunn og góða umögn. Auk sérstæðrar náttúru hér þykja viðtökur starfsfólks okkar vera framúrskarandi og eiga þeir hrós skilið sem að þessu standa.

 

Alls komu 42 sjálfboðaliðar hingað í fyrra á vegum samtakanna Veraldarvina (World Wide Friennds á Íslandi) sem skipuleggja þessar ferðir. Er þetta fólk úr því sem næst öllum heimshlutum sem kemur til að vinna ásamt því að vilja kynnast landi og þjóð.