Viðlegukantur hafnarinnar yrði 5 km
Þýska fyrirtækið Bremenports hefur að lokinni frumathugun ákveðið að setja aukið fé í rannsóknir á fýsileika þess að gera umskipunarhöfn í Finnafirði. Eru uppi hugmyndir um að viðlegukanturinn yrði 1.500 metrar í 1. áfanga og 5.000 metrar þegar höfnin yrði fullbyggð.
Fulltrúar fyrirtækisins kynntu heimamönnum í Langanesbyggð áformin í síðustu viku, ásamt fulltrúum Eflu verkfræðistofu og sveitarfélaga á Norðausturlandi. Siggeir Stefánsson, oddviti sveitarstjórnar Langanesbyggðar, segir þýska fyrirtækið munu nota næstu þrjú til fimm ár til að afla gagna.
Fram kom á kynningunni fyrir austan að líklega yrði um 3-5 áfanga að ræða en jafnframt er til skoðunar að byggja 1.200 metra olíuhöfn. Í fréttaskýringu um mál þetta í Morgunblaðinu í dag kemur meðal annars fram, að umskipunarhöfnin yrði fullbyggð álíka stór og samanlagðar helstu hafnir í Reykjavík og á Akranesi en dýpið hins vegar meira.
Féttina í heild sinni má nálgast á mbl.is
/mbl.is