Yfirlit frétta

Þau voru heldur flott litlu krílin á Seli þegar þau töltu um bæinn áðan og útdeildu vinahjörtum. Ekki létu þau rigningu og rok mikið á sig fá enda líklega mun meira úti í alls kyns veðrum heldur en margir aðrir. Sella og Dúa tóku vel á móti þeim í sjoppunni, aðeins einn slapp í nammibarinn og svo héldu þau áfram sína leið, allir halda í bandið og passa sig á bílunum. Fallegur boðskapur sem yljar í haustkuldanum. /GBJ

Hinn árlegi jólamarkaður verður á Þórshöfn 8. nóvember 2014 í íþróttahúsinu Veri, frá 13-19.

Spilakvöld verður haldið á Dvalarheimilinu Nausti á Þórshöfn, miðvikudaginn 5. nóvember kl. 20:00. Spiluð verður félagsvist með gleðina að leiðarljósi og eru allir velkomnir, ungir og gamlir.

Á Jólamarkaðinum á Þórshöfn sem verður í íþróttahúsinu laugardaginn 8. nóvember n.k. verður efnt til smákökusamkeppni. Lumar þú á bestu smákökunum?

Starfsmaður óskast í áhaldahúsið á Bakkafirði. Áhaldahús á Bakkafarði er útstöð frá áhaldahúsi Langanesbyggðar á Þórshöfn. Starfið felur í sér um umhirðu og viðhald fasteigna sveitarfélagsins ásamt og að annast hafnarvörslu við Bakkafjarðarhöfn.

Leikskólakennari óskast við leikskóladeild Grunnskólans á Bakkafirði. Auglýst er eftir skapandi, fjölhæfum og jákvæðum einstakling til starfa við nýja leikskóladeild Grunnskólas á Bakkafirði, um er að ræða 100% starf.

11. fundur sveitarstjórnar Langanesbyggðar verður haldinn í Menntasetrinu miðvikudaginn 29. október 2014 og hefst kl 17:00

Minjastofnun Íslands auglýsir eftir umsóknum um styrk úr húsafriðunarsjóði. Hlutverk sjóðsins er að stuðla að varðveislu og viðhaldi friðlýstra og friðraðra húsa og mannvirkja sbr. reglur nr. 577/2014. Umsóknarfrestur er til 1. desember 2014. Umsóknir sem berast eftir þann tíma koma ekki til álita við úthlutun.

Í dag munu skátar ganga í hús á Þórshöfn milli kl 17 og 19 og selja bókamerki. Allur ágóði af sölunni rennur til Guðrúnar Nönnu en hún glímir við taugasjúkdóminn SMA Verð á bókamerki er 1.500 kr/stk

Hin árlegi Smalabiti verður haldinn á Bárunni föstudaginn 24. október Húsið opnar kl.19.30 með fordrykk Borðhald hefst kl.20.00 Í boði verður Íslenskt lambalæri að hætti Niks á Bárunni