Yfirlit frétta

Ungmennafélagi Langnesinga barst góður liðsauki í vikunni þegar landsliðsmaðurinn Viðar Örn Kjartansson tók fótboltaæfingu með krökkunum. Þau voru að vonum alsæl enda ekki á hverjum degi sem svona tækifæri gefst. Viðar Örn spilar nú með Jiangsu Guoxin-Sainty í Kína en þar áður var hann hjá Vålerenga í Noregi. Við getum víst ekki eignað okkur kappann en hann er hér í heimsókn hjá móður sinni sem hefur búið í nokkur ár á Þórshöfn. Frábært fyrir íþróttakrakkana okkar að kynnast svona flottri fyrirmynd, sem sýnir að allt er hægt ef viljinn er fyrir hendi./GBJ

Ríkislögreglustjóri hefur ákveðið að lýsa yfir óvissustigi á landinu vegna óveður. Taka þarf inn trampólín og annað lauslegt úr görðum, tryggja lausar kerrur. moka frá niðurföllum og þess háttar.

Aðventuhátíð sem átti að vera í kvöld í Þórshafnarkirkju frestast vegna veðurs. Nánar auglýst síðar. Sóknarnefndin

Í vikunni voru jólatónleikar hjá nemendum Tónlistarskólans sem stunda nám á Þórshöfn. Spilað var á hin ýmsu hljóðfæri og greinilegt að metnaður er í skólastarfinu. Síðasta atriðið var samspil allra nemenda og að lokum var kaffisala til styrktar tónlistarskólanum, en það er nýstofnað foreldrafélag tónlistarskólans sem sá um kaffiveitingar. Jólatónleikar nemenda á Bakkafirði verða miðvikudaginn 9. desember.

Síðastliðinn föstudag var afmælishátíð í grunnskólanum á Bakkafirði en 30 ár eru liðin síðan skólahúsnæðið var tekið í notkun. Nemendur fóru vel yfir skólasögu gamla Skeggjastaðahrepps, kynntu farskólann, skólann á Skeggjastöðum og Grunnskólann á Bakkafirði. Aðalbjörg Jónasdóttir var með frásagnir frá farskólanum og heimavistinni á Skeggjastöðum en hún var stundaði nám í þeim báðum. Nemendur spiluðu og sungu lög með textum eftir skáldin úr hreppnum Örn Arnarsson og Kristján frá Djúpalæk. Ísfélag Vestmannaeyja á Þórshöfn gaf Grunnskólanum á Bakkafirði 100.000 kr til eflingar á raungreinum. Að sjálfsögðu voru svo góðar veitingar fyrir gesti. /GBJ

Jólatónleikar Tónlistaskóla Langanesbyggðar, nemendur á Þórshöfn. Í félagsheimilinu Þórsveri í dag 1. desember 2015 klukkan 17:00. Allir velkomnir og aðgangur er ókeypis.

Í haust voru 30 ár frá því húsnæði Grunnskólans á Bakkafirði var tekið í notkun. Ekki var kennt í öllum skólanun, heldur einungi í hluta af honum. Húsið var formlega vígt 1987. En við ákváðum að miða afmæli skólans við það ár sem byrjað var að kenna í húsnæðinu. Af því tilefni bjóðum við ykkur að njóta með okkur kaffi og veitinga í sal Grunnskólans föstudaginn 27. nóvember, kl. 17.00

Vegna óveðurs mun Aðalsteinn Baldursson koma og kynna samninginn fimmtudaginn 03.desember en ekki miðvikudag.

Strákarnir í Leikhópnum Vinir ætla að kíkja í heimsókn og sýna okkur hið bráðskemmtilega barna- og fjölskylduleikrit STRÁKURINN SEM TÝNDI JÓLUNUM.

Kæru íbúar Langanesbyggðar og Svalbarðshrepps Nú fer að líða að jólum og þá er lag að yfirfara brunavarnirnar á heimilum okkar, því þar eru jú mestu verðmæti landsins, þ.e.a.s. börnin okkar og við sjálf. Hér eru svo nokkrir punktar sem við þurfum að yfirfara: