Yfirlit frétta

Hreinsum og myndun holræsa í Langanesbyggð mun fara fram mánudaginn 15. júní og hugsanlega líka þriðjudaginn 16. júní n.k. Þeir einstaklingar sem þurfa að láta hreinsa lagnir heim að íbúðarhúsum eða láta mynda þær eru hvattir til að hafa samband við Jarek í síma 863-5198 sem fyrst eða beint við skrifstofu Bólholt í síma 471-3000.

Fundargerð 27. fundar sveitarstjórnar Langanesbyggðar dags. 11. júní 2015

Í gærmorgun var hífður upp af fraktskipi gríðarstór loðnumjölsþurrkari og vegur hann aðeins 115 tonn. Til þess þurfti að fá tvo krana sunnan úr Reykjavík sem og auka vöruflutningabíla með tilheyrandi viðbúnað sem þurfti til verksins. Að sögn Kristinns Lárussonar gekk nú ekki átakalaust að koma þessu flykki inní verksmiðjuna og brotnuðu stoðir undan og svona smá "bras". Gamli þurrkarinn sem skipt var út er enn á bryggjunni og bíður flutnings landleiðina til Reyðarfjarðar en þar eru þungatakmarkanir á vegum fyrirstaða eins og er. Nýi þurrkarinn hefur 690 fermetra þurrkflöt og forþurrkar mjölið áður en það fer í gengum aðra tvo þurrkara. Að sjálfsögðu var svo mjölútskipun í kjölfarið til að nýta ferðina hjá skipinu.

27. fundur sveitarstjórnar Langanesbyggðar verður haldinn í grunnskólanum á Bakkafirði fimmtudaginn 11. júní 2015 og hefst kl 17:00

Í dag verður eggjaveisla í boði Langanesbyggðar kl. 12 á veitingastaðnum Bárunni og eftir það er hefðbundin sjómannadagsdagskrá í dag sem Björgunarsveitin Hafliði stendur fyrir. Tilvalið að gera sér glaðan dag og styrkja gott málefni í leiðinni.

Ólöf Nordal í Forystusetri Myndlistarmaðurinn Ólöf Nordal opnar myndlistarsýningu í Fræðasetri um forystufé á Svalbarði í Þistilfirði, laugardaginn 6. júní nk. Ólöf er þekkt fyrir höggmyndir sínar og myndverk, má þar nefna Geirfuglinn við Skerjafjörð, Þúfuna við gömlu höfnin í Reykjavík og altarisverkið Fuglar himinsins í Ísafjarðarkirkju. Ólöf hefur áður unnið verk þar sem forystufé var uppspretta hugmynda. Hún sýnir að þessu sinni videoverk og ljósmyndir, en við undirbúning sýningarinnar heimsótti Ólöf fjárhús og forystufé bæði sunnan og norðan heiða. Allir eru velkomnir á opnun sýningarinnar, sem verður kl. kl. 16:00. Sýninging verður uppi í Forystusetrinu í allt sumar eða til 31. ágúst. Setrið er opið alla daga frá kl. 11:00 – 18:00. Á Fræðasetrinu er safnað saman á einn stað fróðleik um íslenska forystuféð og það gert aðgengilegt fyrir almenning og fræðimenn. Vinsældir þessa litla gallerís lýsa sér best í því að það er bókað undir myndlistarsýningar allt til ársins 2020. Allar nánari upplýsingar veitir Daníel Hansen forstöðumaður Forystuseturs, 852-8899, forystusetur@forystusetur.is www.forystusetur.is.

Leitað er eftir áhugasömum og metnaðarfullum leikskólakennurum til að starfa við leikskólann Barnaból á Þórshöfn í starf á næsta skólaári. Umsóknarfrestur er til og með 12. júní 2015.

Áríðandi fundur um nýundirritaða samninga haldinn 9.júní

Búið er að tengja veðurstöð á hafnarsvæðinu á Þórshöfn.

Í dag voru nokkrir íbúar mættir til vinnu við að útbúa útileiksvæði við Sunnuveg en það svæði var samþykkt fyrir nokkrum árum sem slíkt en ekki komist í framkvæmd. Því tóku íbúar austan Hafnarlækjar sig saman, ásamt hverjum þeim sem hjálpa vildi til, og fóru í skipulag svæðisins. Búið er að safna saman alls kyns skemmtilegu en einföldum efnivið, s.s. rekavið, dekkjum og sandkassa, og einnig var stungið fyrir skjólbelti og runnum til að gera svæðið skjólsælla. Skemmtilegt verkefni með samvinnu íbúa og greinilegt að börnin hafa nú þegar í nógu að snúast á svæðinu.