Yfirlit frétta

Leiksýning á Bakkafirði föstudaginn 6.maí kl.18.00, boðið upp á kjötsúpu að sýningu lokinni. Árshátíð Grunnskólans á Bakkafirði þar sem nemendur munu leika og syngja af sinni einskæru snilld

Um árabil hafa söfnuðir Langanesprestakalls og Hofsprestakalls staðið sameiginlega fyrir messu á degi aldraðra, sem haldinn er hátíðlegur á Uppstigningardegi, til skiptis í prestaköllunum og boðað til fagnaðar eftir athöfn.

Sunnudaginn 8.maí kl.14.00 – 16.00 verður markaðsdagur í Þórsveri og eru allir velkomnir með varning til að selja, nýjar sem notaðar vörur, handavinnu, nýbakað eða hvað sem fólki dettur í hug.

Í dag var haldið uppá 90 ára afmæli Verkalýðsfélags Þórshafnar með glæsilegri dagskrá. Karlakór Akureyrar þandi raddböndin í Þórshafnarkirkju svo unun var á að hlusta. Í lokin tóku allir tónlistargestir undir og sungu Maístjörnuna. Þar á eftir voru kaffiveitingar í Þórsveri sem Kvenfélagið Hvöt töfraði fram. Heimafólk fjölmennti og naut veitinganna, og í lokin var uppistand hjá Hundi í óskilum. Flott dagskrá á þessum merku tímamótum.

Fundargerð 46. fundar sveitarstjórnar Langanesbyggðar hefur nú verið birt á netinu. Hana má nálgast með því að smella hér.

Langanesbyggð auglýsir til umsóknar heimild til bjargnytja í Skoruvíkurbjörgum samkvæmt neðanskráðu: Úthlutað verður heimild til svartfugls- og ritu eggjatöku á eftirtöldum svæðum:

46. fundur sveitarstjórnar Langanesbyggðar verður haldinn í Félagsheimilinu Þórsveri, Þórshöfn fimmtudaginn 28. apríl 2016 og hefst kl 17:00

Aðalfundur fræðafélags um forystufé 28.apríl kl.20.00

Nú hafa 5. og 6. bekkur Grunnskólans á Þórshöfn verið á farandsfæti. Bekkirnir hafa verið í samstarfi við nemendur Grunnskólans á Bakkafirði og tekið þátt í vinnustofuverkefnum þeirra síðarnefndu. Í dag var annar dagurinn af þremur og tók Hilma Steinarsdóttir þessar skemmtilegu myndir

Það var fjölmennur hópur sem ýmist hljóp, hjólaði eða gekk sér til heilsubótar í dag í árlegu vorhlaupi UMFL. Þátttakendur voru á bilinu 1 árs - 76 ára en hægt var að velja um nokkrar vegalengdir. Að lokum fengu allir hressingu í Verinu og frítt í sund eftir hlaupið. Skemmtileg hefð og um að gera að hvetja fólk til útivistar nú þegar vorið er alveg að detta inn.