Yfirlit frétta

Fyrir nokkru var haldið afar skemmtilegt leiklistarnámsskeið fyrir grunnskólabörn á Þórshöfn en það var Jóel Sæmundsson leikari sem kenndi það. Í fyrstu voru börnin mismunandi framfærin en í lokin voru allir alsælir með þetta, bæði foreldrar og börn. Námskeiðið var í tvær vikur en það var foreldrafélag grunnskólans sem var drifkrafturinn í að fá námskeiðið hingað. Námskeið sem þetta er mikilvægur þáttur í sjálfsstyrkingu barna og kennir þeim ýmislegt um sjálfa sig og aðra. Hér eru nokkrar myndir af námskeiðinu.

Fyrir þá sem eru farnir að bíða eftir sumrinu þá eru hér fallegar göngumyndir af Gunnólfsvíkurfjalli sem Jónína Sigríður Þorláksdóttir tók í sumar. Um að gera að setja þetta á göngu-áætlun sumarsins.

Ferðafélagið Norðurslóð heldur uppteknum hætti og fer í kirknagöngu á föstudaginn langa.

Laugardaginn 26. mars verða Double d's með lifandi tónlist á Bárunni frá kl. 22:00

Páskabingó verður haldið á Dvalarheimilinu Nausti á Þórshöfn á Skírdag, 24. mars 2016 og hefst kl 16:00

Þau voru heldur flott krakkarnir okkar á Nótunni sem fór fram síðustu helgi í Hofi á Akureyri. Spilað var á hin ýmsu hljóðfæri og gaman að því að N4 leit við á æfingu hjá þeim og tók þetta skemmtilega innslag sem má sjá hér. Kadri tónlistarkennari á heiður skilið fyrir hennar starf við skólann en hún hefur nú tekið leyfi frá störfum og afleysingakennari komið í hennar stað.

Það verður aldeilis hægt að hrista af sér súkkulaðislenið yfir páskana í Langanesbyggð. Páskaopnun Íþróttahús og sundlaug Langanesbyggðar verður eftirfarandir

Kennarar óskast til starfa við Grunnskólann á Þórshöfn. Óskað er eftir sérkennara, almennum bekkjarkennurum, tónlistakennara, list-og verkgreinakennara og íþróttakennara.

Naust, dvalarheimili aldraðra Langanesbyggð óskar eftir sjúkraliða í 70-100% starf frá og með 1. maí næstkomandi

Í eina tíð var húsið salthús þegar síld var söltuð á Neptúnsplaninu, síðar var búið þar en í nokkurn tíma hefur húsið staðið autt. Það var reist á Þórshöfn árið 1952 en kom hingað frá Siglufirði. Nú hefur Dawid smiður og hans starfsmenn hafið endurbætur á húsinu en hann á húsið sjálfur. Það verður spennandi að fylgjast með þessum endurbótum og virkilega gaman að sjá gömlu húsin glæðast nýju lífi.