Yfirlit frétta

Fyrr í sumar sendi Þekkingarnet Þingeyinga út samfélagsrannsóknina Þjónustusókn og samfélagsábyrgð á Norðausturlandi. Svörun var frekar dræm og eru íbúar því hvattir til að svara kallinu. Fyrir þá sem hafa sett svarblöðin í grænu tunnuna þá má svara beint á þessari vefslóð: https://www.surveymonkey.com/s/BDPYHSD

Eftirtaldar stöður eru lausar til umsókna og er um fullt starf að ræða: ◾Íþrótta og sundkennari ◾List og verkgreinakennari ◾Kennsla á elsta stigi ◾Kennari í kennsluteymi 1. – 4. bekkjar með umsjón í 1. og 2. bekk.

Fundargerð sveitarstjórnar Langanesbyggðar 14. ágúst 2014

Það var skemmtileg sjón að horfa á nýjasta skip Ísfélags Vestmannaeyja sigla inn í höfnina rétt í þessu en það er Sigurður VE 15. Á morgum laugardag býðst heimamönnum að skoða skipið og þiggja léttar veitingar frá kl 11-14. Þetta er í fyrsta sinn sem Sigurður kemur til Þórshafnar en aðeins nokkrar vikur eru síðan skipið kom til landsins. Um borð voru um 350 tonn af makríl og gleðjast því margir eftir nokkurra daga vaktastopp, skólakrakkarnir sérstaklega að ná nokkrum fleiri vöktum áður en haldið er aftur í skólann. Við hvetjum heimamenn til að mæta á morgun og skoða þetta glæsilega skip. /GBJ

Vestur-Íslendingurinn Sunna Olafson Furstenau sunnudaginn 17.ágúst kl.19.30

Á fundi landbúnaðarnefndar Langanesbyggðar þann 13. ágúst var skrifað undir gangnaseðilinn og verður hann póstlagður í dag.

Búið er að skrifa undir ráðningarsamning við sveitarstjóra en hann mun byrja á skrifstofunni næstkomandi mánudag. Netföng sveitarstjóra verða sveitarstjori@langanesbyggd.is og elias@langanesbyggd.is

Um síðustu helgi var Handverkshátíðin á Hrafnagili í Eyjafjarðarsveit. Langanesbyggð fékk þar góða kynningu á sínu svæði en þær Halldóra Sigríður Ágústsdóttir og Gréta Bergrún Jóhannesdóttir voru með sölubás á hátíðinni. Halldóra Sigríður með hönnunina Fjörugull frá Langanesi og Gréta Bergrún með hönnunarlínuna Berg-íslensk hönnun.

Matarmarkaður verður á pallinum við Fræðasetur um forystufé að Svalbarði í Þistilfirði laugardaginn 16. ágúst kl.14:00-18:00. Allt mögulegt á boðstólum matarkyns, ferskt og gott: Kartöflur, gulrætur, tómatar, gúrkur, paprika, fjallagrös, egg, kæfa, brauð, kökur, sultur, hlaup og ýmislegt fleira.

Myndlistarsýning verður í Sauðaneshúsi til 31. ágúst n.k. Það sýnir listamaðurinn Gulla Sigurðardóttir hestamyndir sem allar eru málaðar á síðustu þremur árum . Sauðaneshúsið er opið 11-17 alla daga. Aðgangseyrir 800 kr.