Yfirlit frétta

Vegna viðhalds verður sundlaugin lokuð næstu daga.

104. fundur sveitarstjórnar Langanesbyggðar 2014 verður haldinn mánudaginn 12. maí 2014 kl. 17:00 á skrifstofu Langanesbyggðar.

Þrír framboðslistar bárust til yfirkjörstjórnar í Langanesbyggð. Eftirfarandi listar verða í kjöri til sveitarstjórnakosningarnar 31. maí 2014 í Langanesbyggð:

Yfirkjörstjórn Langanesbyggðar fundaði í morgun milli kl 10 og 12 á skrifstofu Langanesbyggðar og tók við framboðslistum. Alls bárust 3 listar. Listarnir verða settir inn á heimasíðu Langanesbyggðar eftir fund yfirkjörstjórnar á morgun.

Eins og flestir íbúar Langanesbyggðar vita þá hefur Íslensk Erfðagreining sent í pósti möppu og er að biðja fólk um munnstrokusýni. Íslensk Erfðagreining hefur gert samning við Landsbjörgu um að björgunarsveitirnar í landinu sjái um að safna þessum sýnum, fái greitt fyrir það og komi þeim til skila. Félagar í Björgunarsveitinni Hafliða munu ganga í hús laugardaginn 10. maí milli kl. 13 og 17 og safna þessum sýnum.

Vortónleikar tónlistarskóla Langanesbyggðar verður haldinn í félagsheimilinu Þórsveri fimmtudaginn 8. maí og hefjast kl 17:00. Á tónleikunum koma fram nemendur frá Þórshöfn, Bakkafirði og Svalbarði. Allir velkomnir

Í dag var útsýnispallurinn á Skoruvíkurbjargi hífður niður á undirstöðurnar og gekk það vonum framar. Útsýnispallurinn á Skoruvíkurbjargi er einstakur á landsvísu og jafnvel heimsvísu. Þetta er því stór dagur fyrir Langanesbyggð og fyrir ferðaþjónustuaðila á Norðausturlandi en pallurinn mun án efa verða aðdráttarafl ferðamanna um ókomna tíð.

Nú styttist í upphaf ferðasumarsins 2014 en segja má að það hefjist með komu skemmtiferðaskipsins Fram sem kemur 31. maí n.k. Unnið hefur verið markvisst að því í Langanesbyggð að undirbúa sumarið með því að fjölga afþreyingarmöguleikum og má þar nefna uppsetningu útsýnispalls á Skoruvíkurbjargi, með uppsetningu upplýsingaskilta sem sett verða upp í sumar og útgáfu Ævintýrakorts barnanna svo að dæmi séu tekin. Þá var einnig glæsileg umfjöllun um Langanesbyggð í nýjasta blaði Icelandic Times Umfjöllunina má lesa með því að smella hér.

Langanesbyggð auglýsir eftir áhugasömum einstaklingi til að gerast dagforeldri á Bakkafirði. Viðkomandi þarf að geta hafið störf í sumar. Til greina kemur að sveitarfélagið leggi til húsnæði undir starfsemina.

Langanesbyggð leitar að hafnarvörðum á Bakkafjörð og á Þórshöfn. Höfnin á Þórshöfn er ein af stærstu höfnum landsins í tonnum talið og um hana fer mikið af afurðum. Starfið á Bakkafirði er sambland af hafnarvörslu og starfi við áhaldahús á Bakkafirði. Umsóknarfrestur er til og með 13. maí n.k. Æskilegt er að nýr hafnarvörður geti hafið störf sem fyrst.