Yfirlit frétta

Kynning á nýbyggingu - Skólamiðstöð á Þórshöfn verður haldin þriðjudaginn 1. apríl n.k. Þar mun byggingarnefnd og hönnuðir að nýju mannvirki við Grunnskólann á Þórshöfn halda kynningu á stöðu verkefnisins. Fundurinn verður haldinn kl. 17:00 í félagsheimilinu Þórsveri.

Viðgerðinni á vatnslögninni í Holtinu er lokið og vatnið er komið á aftur Starfsmenn áhaldahúss Langanesbyggðar

Vegna viðgerðar á vatnslögninni í Holtinu verður vatnslaust eftir kl 20:00 í kvöld, þriðjudaginn 25. mars 2014. í Bakkavegi og Austurvegi og Norðan við þær götur á Þórshöfn um óákveðinn tíma meðan unnið er að viðgerð. Beðist er velvirðingar á þeim óþægindum sem þessu fylgir. Starfsmenn Áhaldahúss Langanesbyggðar.

Fundargerð umhverfis- og skipulagsnefndar haldinn þann 20. mars 2014

Verkefnissjóðurinn Aftur heim úthlutaði nýlega styrkjum til ungra listamanna sem teljast brottfluttir Þingeyingar. Hildur Ása Henrýsdóttir fékk styrk til að koma heim á Þórshöfn í sumar og vinna að verkefninu Langanes er ekki ljótur tangi, en þar vitnar hún í vísu Látra-Bjargar. Í tilkynningu frá sjóðnum segir: Með verkefninu vill Hildur Ása draga fram menningarleg einkenni Þórshafnar og nærumhverfis, ásamt því að gera náttúrunni í kring hátt undir höfði og efla staðarvitund fólks enn frekar. Þessum markmiðum hyggst hún ná með því að starfa á Þórshöfn í mánuð í sumar og mála myndir af svæðinu í anda rómantíkur og impressionisma. Markmið Hildar Ásu er að mála a.m.k. eina mynd daglega. Um mitt sumar verður sýning á afrakstri verkefnisins. Hildur mun hafa aðstöðu í Menntasetrinu en Þekkingarnet Þingeyinga er samstarfsaðili í verkefninu. Gaman að þessu og verður spennandi að sjá afraksturinn. /GBJ

Laugardaginn 22. mars 2014 verður kynning á bogfimi í stóra salnum í Sport-Veri. Kynningin verður frá kl 11:00-12:00 Eftir kynningu getur fólk sest niður og rætt framhaldið, t.d. stofnun félags um íþróttina Sjáumst í Sport-Veri

Þann 28. febrúar staðfesti Innanríkisráðuneytið siðareglur fyrir kjörna fulltrúa í Langanesbyggð, sbr. 29. gr sveitarstjórnarlaga nr. 138/2011.

Skipulagsstofnun staðfesti þann 5. mars 2014 breytingu á aðalskipulagi Langanesbyggðar 2007-2027 sem samþykkt var í sveitarstjórn Langanesbyggðar þann 5. desember 2013. Niðurstaða sveitar-stjórnar var auglýst 9. desember 2013. Í breytingunni felst að athafnasvæði á Holtinu stækkar um 1,6 ha til austurs þar sem áður var skilgreint íbúðarsvæði af sömu stærð. Málsmeðferð var samkvæmt 2. mgr. 36. gr. skipulagslaga nr. 123/2010. Breytingin öðlast þegar gildi.

Fundargerð sveitarstjórnar Langanesbyggðar þann 20. mars 2014.

Smíðin á Útsýnispallinum við Stóra Karl gengur vel og er áætlað að pallurinn verði settur upp í apríl. Stefnt er að hafa formlega opnun á útsýnispallinum þann 3 maí n.k. en það verður auglýst nánar þegar nær dregur. Íbúar Langanesbyggðar eru hvattir til að taka daginn frá