Yfirlit frétta

Það var að venju heilmikið fjör í Þórsveri þegar "kötturinn" var sleginn úr tunnunni. Ýmsar skrítnar verur á ferðinni og virkilega gaman að því hvað foreldrar eru duglegir að mæta í búningum líka. Eftir að búið var að slá duglega í tunnurnar þá var marserað á nýpússuðu partketinu. Allir fóru heim með eitthvað gotterí og grunnskólabörnin eflaust alsæl að vera komin í vetrarfrí./GBJ

Hið árlega öskudagsball verður haldið í félagsheimilinu klukkan 15:00 á Öskudag. Allir að mæta í búningum, ungir sem aldnir, og dansa og hafa gaman saman. Kötturinn verður sleginn úr tunnunni og boðið verður upp á kaffi og djús. Mætum með góða skapið og skemmtum okkur saman.

Ferðafélagið Norðurslóð heldur aðalfund sinn n.k sunnudag, 2. mars. Byrjað verður á að ganga á Höfðann við höfnina á Raufarhöfn og verður aðalfundurinn haldinn eftir gönguna. Mæting við kirkjuna á Raufarhöfn kl. 13:00, fundurinn hefst í grunnskólanum kl. 14:00.

Kynning á sáttatillögu og kosningar

Hinn árlegi og að sjálfsögðu skemmtilegi aðalfundur Ungmennafélags Langnesinga verður haldinn laugardaginn 1. mars 2014 og verður fundurinn haldinn í matsal íþróttahússins Veri og hefjast herlegheitinn kl. 14:00. Allir velkomnir á fundinn, ungir jafnt sem aldnir.

Laugardaginn 1. mars boða Raufarhafnarhópurinn og Þekkingarnet Þingeyinga til stefnumóts á Raufarhöfn. Dagskrá hefst kl. 11 á Hótel Norðurljósum og reiknað er með að hún standi fram á miðjan dag. Þar verður meðal annars farið yfir þá vinnu sem er í gagni í kringum "þorpið við heimskautsbaug"

Eins og auglýst var í febrúarnámsvísi Þekkingarnetsins þá verður Hönnunar- og frumkvöðlasmiðja á Raufarhöfn á vor- og haustönn 2014. Markmiðið er að styðja við handverk og hönnun á svæðinu, einnig að ýta undir framleiðslu minjagripa. Það er ekkert skilyrði að vera starfandi listamaður eða í framleiðslu minjagripa, allir geta tekið þátt. Námsleiðin er 120 kennslustundir og kostar 28 þús. (flest stéttarfélög niðurgreiða námsskeiðsgjöld).

Fundargerð sveitarstjórnar haldinn þann 19. febrúar 2014

Konudagskaffi í Félagsheimilinu Hnitbjörgu