Yfirlit frétta

Menningarverkefni sumarsins verður í öðru formi en í fyrra, en þá var verkefnið Spilað fyrir hafið sem tókst með ágætum. Í vor veitti Uppbyggingarsjóður Norðausturlands Langanesbyggð styrk til að vinna að uppsetningu ljósmyndasýningar um herstöðvarlífið á Heiðarfjalli. Ránar Jónsson sagnfræðinemi vinnur nú að því að safna saman myndum og upplýsingum, og þeir sem eiga ljósmyndir eða fróðleiksmola mega endilega hafa samband við hann. Sýningin verður sett upp inní því eina húsi sem enn stendur á fjallinu og stefnt er á opnun sýningarinnar 28. júlí. Umhverfissjóður Landsbankans veitti einnig styrk til að hreinsa til inní húsinu og lausarusli í kring um það.

Í gær var fálkaunga komið til bjargar á Þórshöfn en hann var ófleygur og líklega grútarblautur. Fuglasérfræðingar báðu um að fuglinn yrði fangður eftir að myndir af honum komu á facebook síðu heimamanna. Hann gisti í góðu yfirlæti hjá Guðjóni Gamsa í nótt og fór með flugi til Reykjavíkur í dag. Þar tók Sunna Björk Ragnarsdóttir við honum en hún er líffræðingur sem sérhæfir sig í fuglarannsóknum. Þar gistir hann í nótt en fer á morgun í Húsdýragarðinn þar sem hann fær viðeigandi umönnun.

Forsetakosningar verða haldnar laugardaginn 25. júní 2016. Frá 15. júní 2016 til kjördags liggur kjörskrá Langanesbyggðar vegna forsetakosninganna frammi á skrifstofu Langanesbyggðar að Fjarðarvegi 3 á Þórshöfn og í versluninni Mónakó að Hafnargötu 4 á Bakkafirði.

Boðað er til íbúafundar vegna endurbóta á húsnæði Grunnskólans á Þórshöfn. Fundurinn verður haldinn í félagsheimilinu Þórsveri Þórshöfn miðvikudaginn 22. júní klukkan 20.00.

Á dögunum bárust Dvalarheimilinu Nausti á Þórshöfn góðar gjafir frá velunnurum sínum sem hafa um nokkurt skeið selt handunnin kort til styrktar heimilinu.

Verkalýðsfélag Þórshafnar auglýsir eftir starfsmanni á skrifstofu

Braggasýningin Nýr vinkill Yst verður Sólstöðuhátíðarhelgina á Skerinu, Kópaskeri, 24. - 26. júní ókeypis inn opið frá kl 11- 17

Nú um helgina stóðu yfir framkvæmdir við dýpkun hafnarinnar á Þórshöfn í blíðskaparveðri.

Er með til sölu Byggðasögu Norður-Þingeyinga I og II bindi I.bindi kostar kr.2.000.- II.bindi kostar kr.5.000.- Einnig er ég umboðsmaður Happdrætti Háskóla Íslands. Ef þið hafið áhuga á að kaupa bækur eða freista gæfunnar í happdrættinu,vinsamlega hafið samband. Kristín s.848-4054 - 468-1260

Fundargerð 48. fundar sveitarstjórnar Langanesbyggðar hefur nú verið birt á netinu. Hana má nálgast með því að ..