Yfirlit frétta

Íþróttahúsið verður opið um páskana sem hér segir:

Þeir eru talnaglöggir 4. bekkingarnir í Grunnskólanum á Bakkafirði og Grunnskólanum á Þórshöfn. Í haust náðu þeir þeim góða árangri að verða hæst á landsvísu á samræmdu prófi í stærðfræði. Við erum afskaplega stolt af þessum árangri og krökkunum okkar. Samræmd próf eru tekin í upphafi vetrar í 4., 7. og 10. bekk og eru einkum notuð til þess að meta árangur á milli prófa hjá einstökum nemendum, samanburðar við aðra jafnaldra og sem vinnutæki kennara til að skoða og meta á hvað þurfi að leggja sérstaka áherslu hjá hverjum og einum. Þau eru hluti af matstækjum hvers skóla.

Síðustu fundargerðir nefnda eru nú aðgengilegar á heimasíðu Langanesbyggðar

Fundargerð sveitarstjórnar frá 27. mars 2015

Leikskólabörnin komu í heimsókn á bókasafnið með þeim Hjöddu og Siggu. Þau voru stillt og prúð, skoðuðu bækur og hlustuðu á sögu þar sem segir frá því að kötturinn Snúður eignaðist vini þegar hann hætti að stríða. Börnin teiknuðu sjálfsmynd og brostu sínu breiðasta brosi en bókavörðurinn mældi brosið með rauðu garni og límdi á myndina. Fastir opnunartímar bókasafnsins eru frá kl. 17-19 á fimmtudögum og á mánudögum frá kl. 18-20. Árgjald er kr. 2.000 en ókeypis fyrir börn og unglinga, út grunnskólaárin.

21. fundur sveitarstjórnar Langanesbyggðar verður haldinn í Félagsheimilinu Þórsveri á Þórshöfn föstudaginn 27. mars 2015 og hefst kl 16:00

Á slaginu 08:00 í morgun hófst rafræn atkvæðagreiðsla 16 aðildarfélaga Starfsgreinasambandsins um heimild til verkfallsboðunar vegna félagsmanna sem starfa eftir kjarasamningi við Samtök atvinnulífsins.

Sjónvarpsstöðin N4 tóku viðtal við Grétu Bergrúnu á dögunum en hún starfar á rannsóknarsviði Þekkingarnets Þingeyinga með starfsstöð í Menntasetrinu á Þórshöfn. Starfi sem þessu er hægt að sinna hvar sem er á starfssvæði Þekkingarnetsins og styrkir það atvinnulífið á staðnum að starfsmaður rannsóknarsviðis ÞÞ sé staðsettur hér. Hér má sjá viðtalið.

Þeir sem vilja taka þátt í spennandi verkefni eða leggja til efnivið: Bárunni breytt! Framundan er spennandi verkefni sem að við vonumst til að sem flestir hafi áhuga á að taka þátt í! Hugmyndin er að taka Báruna í gegn: aðeins að fríska upp á hana að innan, gera hana notalegri með sófasettum, lampalýsingu, fallegum litum á veggjum ofl. Við vonumst til að sem flestir hafi áhuga á að taka þátt í þessu skemmtilega verkefni með okkur og biðjum við því um ykkar aðstoð: Það vantar aðstoðarmenn sem eru til í að koma að mála, smíða, veggfóðra ofl. Eða ef að þið eigið sófasett, sófa, stóla, kolla, hliðarborð, borðspil, bækur (helst svolítið gamlar), myndaramma, spegla, kertastjaka, lampa og lampaskerma, messingstjaka og bara allt sem ykkur dettur í hug til að gefa þá værum við svakalega þakklát fyrir að fá mynd af viðkomandi hlut sendan á okkur. Við veljum svo úr það sem að hentar útlitinu og stemmningunni sem að við erum að reyna að ná. Nú þegar eru frábær viðbrögð, 1 sófasett komið, kertastjakar, garn ofl. En betur má ef duga skal svo endilega verið í bandi. Meðfylgjandi má sjá mynd af stemmningunni sem við erum að vinna útfrá, hún ætti að geta gefið smá hugmynd um endanlegt útlit Bárunnar. Myndir og upplýsingar má endilega senda á katla@volcanodesign.is Kveðja velgjörðarmenn Bárunnar

Starfsfólk óskast í afleysingar á Dvalarheimilinu Nausti á Þórshöfn. Allar nánari upplýsingar gefur Kristín Thorberg hjúkrunarforstjóri í síma 863-0086.